2016/08/22

alang sa sikat nga magbabalak kaniadtong panahon

pagkamaayo na gayod nimo
sa mga garay
sa pagamit sa pulong

nakasitsit ang karahay
nakataghoy ang dagom
gipasayaw mo ang hangin
nga makita na karon

motindog na unta kami
ug mopakpak dayog syagit
nianang "bravo! bravo"

apan sa dihang gilantaw 
dayog susi
 pag-ayo sa imong kinabuhi
diha sa imong kalo nga mahalon
apil na ang pinakanindot nga barong
talagsaong pantalon
ug ngipon nga bulawan

nadismayo kaming tanan
sagul ang kasuko ug ang kasubo
sa kalag mong nasunog
sa dihang nabulgar nga ikaw diay
usa sa mga irong tigpaghot
nga gibuhi sa diktador....

Panginhas dire