2016/08/21

hamlet

dugay kaayong
ginalizar ni hamlet ang kabahin
sa hinungdan nganong daghang
adik sa katilingban

gisugdan niya kini nga sila
biktima lang busa kaloy-an
salbahon, tambalan, gastohan,

kadtong mga mibaligya 
makalolooy usab, angayang
tabangan, edukahon, paseminaron,
tambalan,

ayohon gayod ug sala kon asa
ang hinungdan, kon kinsa ang mga
biktima lamang, kon ngano ba
nga nahitabo kini

dugay niyang timbangtimbang
ang sulosyon sa maong suliran
didto sa daplin sa suba
diin lubog na kaayo ang tubig
kilid sa labong nga kanipaan

wa na siya kabantay sa dakong
buaya sa iyang likod nga kalit
nga mibunal sa iyang liog
dayon siya gitukob.....

Panginhas dire