dili na kinahanglang ilabay pa ang mga manguhulog na lang ug iyaha...

ang gamayng bato nga 
nasulod sa imong sapatos
sakit sa lapalapa
tungod sa pagdalidali o
sa kagamay na lamang
sa panahon
wala kini nimo panumbalinga,
anaa, naglakaw ka lang
gihapon diha sa paghunahuna
sa mga butang nga labaw 
sa bato nga labaw pa sa mga
ginagmay nga dili mo na angay
pa nga ambaton, 

apan adunay panahon nga
nagtudlo kanimo diha sa pagpahulay
sa silong sa punoan sa
kamunggay
panahon sa pagpamaypay
diha sa paghupay sa kainit
sa kasakit unya niining higayona
gitangtang mo ang sapatos
dayon nimog isa niini aron
ang maong bato
mahulog

dili na kinahanglang ilabay pa
ang mangahulog na lang ug
iyaha...