2016/08/04

ang mga bililhon

BALIKWAOT,
laksot, kinumot ang
gikuha
sa akong kamot, ayaw

kog basola, mao kini
ang tam-is sa akong hunahuna
ang bugnaw sa
akong dughan, ang
gilok sa akong ilok
ang pilit nga sikit sa akong
kimpit,

balikon ko ang mga
katarungan nga dili ko gayod
masulti sa hangin nga
kon mahimo dalhon ko sa akong
lubnganan,

lahi ang adlaw lahi ang gabii
hilom ang kaadlawon
magpabiling abtik ang kabuntagon

balikwaot ang akong 
gihalaran
gitipigan, gisipitan,
sa siradong pultahan sa
ngitngit nga lawak
sa layo nga isla
ang mga tinan-ogan ang
mga tinagoan
magpabiling bililhon....

Panginhas dire