ang pagluom sa kagutom

ang kagutom
kon mosulat 
aron dili mailhan
maghisgot sa
kaanyag sa adlaw
sa kataas sa kahoy
sa kabugnaw sa
kabuntagon didto
sa daplin sa baybayon
sa duyan
sa kahilom sa balas
sa asul nga sakayan
sa layag nga wala
matiklop
sa mangingisda nga
nakadlawnan sa payag
sa iyang gikaibgan
sa kristal nga dagat
sa katibook sa bulan
kagabii
sa taas nga buhok ni
Lorna
sa iyang pilok nga
bawod
sa iyang ngabil nga
rosa


kabahin sa pamahaw
nga nanghumot gikan
sa balay sa iyang
silingan

molad-ok lang siya.