2016/09/12

pagpangita, paglantaw

ikaw ang maanyag nga
nilalang
nga nagmingaw apan
wa masayod
kon unsay hinungdan
nangapkap ka sa kangitngit
sa usa ka tudlo nga
kahayag

managlahi ang atong
gigikanan
ang atong panahon
ang atong mga
pangandoy

nagpakagapnod ako
samtang milantaw pag-ayo
kanimo
milabay ako sa imong
aping
mibalik ako sa imong ngabil
mipauraray ako sa imong
dughan

hangin ako 
sa akong kamingaw
hagawhaw
ang akong kahimtang
ang imong kaputli
dili ko hugawan
diha sa paghalok kanimo
sa ngabil kong
gisi

sa pag-abot sa panahon
nga masabtan mo
ang kamingaw
unya makaplagan mo na
ang pahiyom
mobiya na usab ako
diha kanimo
aron sugdan pag-usab ang
akong panaw
didto sa hulaw

ako ang kahaw-ang
sama kanimo
nangita sa wala pa nako
mailhing
makapuno usab kanako

Panginhas dire