ginagmay lamang

dili mahimong sa tibook
adlaw
magpainit ka
dili sab mahimong
magpalandong ka sa
tanang oras
dili pod nga sa kagabhion
ka lang
mabuhi, angay-angay lang
anaa
ang bulan, ang adlaw,
ang kahoy, ang bungtod
mangita ug bahin diha kanimo
hatagi sa imong luna
sa kasingkasing
ug sa hunahuna
ayaw palabi, ginagmay lang
kay sa kataposan
mao ra man gihapon
ang moangkon nimo mao
ra ang kahaw-ang
diha sa lubnganan
unya aron mo mabati
ang kapuno
ilang kang pagatabonan