2016/09/15

kape sa kabuntagon

sa mga wala nimo
hisabti
mibilib ka

sa dili nimo kaila
miduko ka dayog pakpak

sa mga wala pa nimo
matilawi
bahalag unsa
sulayan

ang dili nimo makita
dili mo kahadlokan

sa wala nimo masayri
dili ka masakitan

ang mga kasakit
kon maandan

sa kalipay dili na usab
kaayo madutlan

sa kusina nagbukal
ang tubig

wala nay pagbati ang
kape ang asukar ang 

platito, ang tasa ug
ang kutsarita

dili ba god nga kinahanglang
kutawon pag-ayo aron
mobyelo ang kalami?

Panginhas dire