salumsom

ning higayona
nagtagbo ang mga
mata sa maghuhukom
ug sa sinumbong

mitaop ang panan-aw
dunay 
nahawngan

lalom ang ginhawa
sa usa
wala na ang 
pagpanghupaw

dunay timbangon
dunay pagpatunga

iwakli ang mga 
hungihong ang mga
kahadlok

subayon sa panan-aw
ang tibuook lawak
ang tanan nga atua didto
timan-an

ayagon ang kahayag ug
kangitngit
dinhi sa unos
magpabiling magsiga
ang kalayo
sa tore 
lugsong sa dulom
hawid sa salumsom