9/21/2016

walay pispis nga magpabilin sa iyang salag

bisan asa ka na lang
gidaladala sa imong hunahuna
walay utlanan ang iyang
kapritso

mora ka na lang ug usa ka
itoy nga gitangagtangag sa 
nagutman nga inahan

sakto na ang panahon
wala nay ulan sa gawas
miabot na ang adlaw
nga ikaw mogawas na sa
imong kaugalingon

dili magpabilin ang pispis
sa iyang salag
ang mga pako motultol ra
gayod sa 
iyang nagtagad nga balay
sa kapanganoran

No comments :

Post a Comment

Lami ba?