2016/09/12

ning walog sa luha

naglitson ko sa usa ka puti
nga baboy nga kuli kaayo ang
tubo,
gidapit ko kamong tanan sa 
akong salusalo
anaa ang relyenong bangus ni
Nene
ang leche flan ni Lilia
ang embutido ni Aida
ang sampayna ni Ricky
ang adobong manok ni Bobby
nagdala si Angeling sa ilimnon
wa pabentaha si Fredo sa iyang
alimango ug sapayan
giplastada kining tanan sa usa
ka bodolbodol
diin kitang tanan human sa
panghugas 
sugdan na dayon ang
pagkinamot
mabati nato ang kainit ang kalata
ang mantika
ang kalamian sa atong panagsandurot
dayog hisgot sa mga nanglabay
sa atong kabatan-on
gihunahuna nato ang kamubo sa
kinabuhi
ang kadaghan sa labad atong
gikalimtan una
basin ugma moabot ang dakong gubat
basin ugma matapos na
ang kalibotan
basin ugma usa kanato ang mamatay
unya diha sa lubnganan
anaa ang pagbasol nganong
niining higayona
wala nato gigamit pag-ayo ang mga oras
diha sa kalipay
diha sa pagsinabtanay
diha sa pakighinabi
diha sa gugma
diha sa kaanindot sa kalibotan
sa kalami sa pagkaon
samtang ania pa kita dinhi
ning walog sa luha.

Panginhas dire