9/21/2016

Paghikalimot

Matod pa sa akong nabasahan nga balak
Kalit nga niabot ang sangputanan
sa mga unod sa hunahuna
nga walay igong balor,

"dili kuno angay nga panumbalingon"

Pagtul-id sa balikog
pagplantsa sa kusot
paghapsay sa kapakyasan

Listo kaayo ang
utlanan sa hait nga kutsilyo
inubanan sa dila sa panuway
nga nagsiging-siging
aron patyon ang kabalaka

Hugti pag-ayo ang bakos
patigayon sa paghikalimot


No comments :

Post a Comment

Lami ba?