2016/09/14

diha sa pagpakahilom

ang kalibotan
mas malinawon 
sa dihang kitang
duha
nakat-on sa 
pagpakahilom 
lamang,

diha sa tutok
sayod ka na dayon
sa kasuko
makita mo na
ang senyas sa usa
ka lingo
sa usa ka pagtudlo
sa ngabil
mabati mo na kon
unsa ang sunod
buhaton

diha sa pahiyom
nga nangamay
sayod ka na dayon
kon asa kita
paingon aron sa makausa
pa atong
saluhan ang
mas lamiang 
pagpakahilom

dinhing higayona
ang balay nga
nanirado
nagpakahilom usab
sa tumang
kalipay....


Panginhas dire