2016/09/15

ang akong buot ipasabot kanimo

kining kakapoy, kasuko,
kalagot sa mga wala mahitabo,
kining mga damgo nga dili matuman,
damgo sa pagkaplastado unta sa
tanan, mga lingkoranan sebo sa
lamesa, atop nga walay buslot,
mga buwak nga saktog bubo,
hagdanan nga walay pangag,
radyong dili kurot, TV nga dili
kipat-kipat, humot nga lawak,
saktong trangka nga pultahan,
walay sagbot nga hardin,
moabot sa punto nga sila mao
na ang mohatag
sa kahayag nga walay pagkapalong
sa kataposang panamilit.

Panginhas dire