baha sa atubangan ni jaclyn

maayong
pagkadala mo 
jaclyn

wala man
ugaling mahuman
ang tibuok
sugilanon

apan didto sa
puntong nagsigi kag
hungit sa fish balls
silong sa ulan
sa gabasa mong
buhok
dili na kaayo nila
mailhan ang
imong mga luha
nga midagayday
sa imong
aping

samtang gilantaw mo
ang kalibotan nga
morag nahirig
tungod sa kakusog 
nga sulog
sa dakong baha
nga wala nila
makita