2016/07/18

sabta pag-ayo

sayop ka
dili ang habog nga
bungtod
kondili ang bung-aw
dili ang bitoon
kondili ang kangitngit sa
kagabhion
dili ang bato
kondili ang kasubo
sa suba
paingon sa dagat
dili ang kahoy kondili
ang lansang
dili ang ikog
ang sungay
nasabtan ko kini
kay gikan na ako
didto

ang mga balas
sa akong mga tudlo
ang abo sa akong
tiilan
ang hangin nga misulod
sa tiyan
ang atuli sa dalunggan

sayop ka
dili ang mga ulod nga
mipatong sa laing
ulod aron maghimo
ug dakong bungtod
nga ulod

alibangbang, sabta
pag-ayo ang
alibangbang 
nga nahimong hingpit
sa dihang
nahimong abog
ang iyang mga
pako...

Panginhas dire