7/23/2016

Pusoy

niadtong buntaga
gidala ka sa iyang balay
nagkape, libreng sigarilyo
dayon gipasulod ka
sa iyang lawak

nanugilon siya nga
ang iyang karsones nga
levi's gibitay man
unta sa kilid sa bongbong
kagabii ug nganong
atua na man kini sa
ilalom sa katre

gipakita niya ang guba
na nga kandado
ang gipugos
ug abre nga hunos
diin ang iyang lima ka
libo ka pesos, cellphone
nga apple, diamanteng
singsing
wala na didto

tanga ra ka kaayo nga
gasunodsunod ka sa iyang
mga sugilon 
nga di na kinahanglang
tuhugon

wala  nimo damha nga ikaw
iyang gamiton isip
saksi sa usa ka tulis nga
sa tinood lang
wala gayod nahimo
sa maong
sinumbong

No comments :

Post a Comment

Lami ba?