7/18/2016

ang lamano

usa ka gabii
niana
dunay miabot sa 
imong balay
miagi sa kusina
milingkod sa
bangko sa kilid
sa lamesa

gihukaran mo 
siya
gitagaan ug
tubig
mikaon siya
sa inun-onan
ug kan-on nga
imong
gidalit

hago kaayong
lantawon ang
iyang nawong

usa siya sa
tan-aw mong
nabyaan na
sa inyong
panahon

gihangop mo
siya
diri siya  matulog
sa laing
lawak sa inyong
balay
nga kawayan

sulod sa imong
lawak
sa wala ka pa
misanong sa
sugo sa katulogon
gilamano mo
didto sa samin
ang imong kaugalingon

No comments :

Post a Comment

Lami ba?