kabahin ni nong iyas

unsaon ko kaha
paghikalimot ang nawong ni
manong Iyas
didto sa iyang payag samtang
naglala ug banig
usa ka hapon niana sa
dihang hapit na mahuman
ang pagsalop sa adlaw
diin iyang nahinumduman
ang pagbiya ni azon 
kaniya kuyog sa laing
lalaki nga 
negosyante sa lungsod
nga alang kaniya kon 
gikalipay man ni azon
despues iya gayod kadtong
katungod nga buhaton
samtang ang mga tudlo
sa iyang kamot
morag mga bata nga
wala mag-ambat sa kalalom
sa suba
atua abtik pas mga rami
nga milangoy
tiglom sa mas lalom pa
nga dapit sa
lagom nga kahilom...