7/21/2016

sa dihang nagkita na ang duha ka sayop

nagtagbo ta
sa agianan paingon
sa balay

mihunong ka
sa makadyot 
nakighinabi sa
higalang babaye
nga ang 
bana gamhanan
apan
walay bukog
ang likod

wala na ang imong
pahiyom
ako sab
misimang sa
lantaw
gipakita nako
nga ikaw
wala sa akong
atubangan

nalibog ko
sa kabag-ohan
wa na ko
ganahi sa
paghunahuna
kabahin niini

dawaton nato
ang tawong duhay
nawong
unya managsama
ang mga 
bulok sa panapot
dili na gayod
ganahan
sa usa ka
kahinangop

sumo na ang
kalibotan sa
mga managsama
ang usa 
ka sayop kon
dugangan pag
sama nga sayop
dili gayod
makalipay....

No comments :

Post a Comment

Lami ba?