2016/07/22

sa pag-abot nga ako na lang usa diha sa pag-abot sa kabuntagon

gusto mo nga ako
at home nimo ug nimo
ug nimo 
karon ako at home na
sa tanan

sa kadagahan sa mga lugar nga
akong naadtoan 
akong  gipakisama nga
kini akong mga panimalay

ako anaa na sa tanang
balaybalay
pagkalapad sa akong
pinuy-anan
pagkadaghan sa akong
mga kauban

apan kon ako na lang
usa sa akong
gikatulgan inig mata
nako sayong  buntag
samtang sirado pa ang
mga bintana
makapangutana baya
ako usahay
asa na ba ako
kinsa na ba ako

unya dili kalikayan
nga bation kog
kakulba
kay di na ko kabalo
kon asa ako
ugma
ug kon unsa ang
akong angayan
nga buhaton

kay bisan sa kadaghan
ninyo ug sa 
kadako sa pinuy-anan
ako man lang
gihapon usa
sa akong
kamingaw ug
kabalaka diha sa
pag-inosara

Panginhas dire