2016/07/05

konsyensa

mao gyod,

nalipay ka,

gikalipay mo

kini pag-ayo

gani pila ka

gabii ba kamong

nag-inom, nanayaw,

nangatawa, nangahugyaw,

gibalik-balik mo pag-ingon hangtod

sa imong pagkahubog, angayan kadtong buhaton

ang pagpanimalos makataronganon, kadtong tawhana ang alas

nga karon wala na, gitikbas mo sa imong sundang gamit ang duha ka kamot diha

sa paniguro nga dili na gayod angayang mabuhi kadtong tawhana nga mibuno ug mga bato kaninyo


makalipay ingon ka, apan dili sakto, 

karon managan mo, magtakuban na kamo, manago, usbon ang ngalan,

magpuyo sa lugar nga dili ka na mailhan, magsugod pag-usab sa laing kinabuhi.


makalipay man kaha, apan nganong naghinuktok ka man diha?

Panginhas dire