2016/07/03

lahi sab ta...

diha sa pag-usab
usab sa panahon siya
nangutlo
sa iyang mga pag-ampo

nahimong balaan ang
kahayag
ang langit misamot sa
iyang kahalangdon
ang ulan nahimong 
mga grasyang miabot
sa yuta sa mga balas
ug sa mga kabatohan

kita lahi sab kaniya
ania kita sa hardin diin
wala mamuwak ang mga
buwak
ang mga balilihan
nangamatay wala na
silay kalainan sa
bulok sa mga agbon

bisan gani ang wati
wala na kahinumdom
sa kalig-onan sa iyang
pirma, unya ang mga
tamsi nanira man sa
ilang mga sungo

naningkamot kita sa
mga pagtulun-an nga
gibilin kanato sa mga
langob sa mga kangiob
sa pagpakabuhi bisan
nihit na ang kahayag 
bisan gani nga ang
atong paglaom anaa
na lamang sa usa ka
tulo na lamang sa luha...

Panginhas dire