ang mga piso nga nangahimong mga kabaw

nanuka kita nga morag mga piso
sunod-sunod sa inaan
sa kabalilihan

nagsalig kanunay nga dili madagit
sa kasamok ning dapita
naglabay labay baya ang pula nga bitin
swerte kita kay dili pa kini gutom
dili sama sa sawa niadtong miaging adlaw
nga nakatukob gayod sa usa ka
itoy nga itom

daghan na bayang gilubong nga buhi dinhi
unya walay naningog bisan usa
gikutkot lang ang ilang lubnganan sa
mga pulang hulmigas nga kon imong
matumban dili gyod papiri og
mamaak

nanagan kita nga morag mga kabaw ngadto
sa usa ka gamayng pultahan sa usa ka lawak
nga karon nanimaho na sang tunaan
sa kilid sa basak.