2015/04/02

reyaledad sa akong payag kilid sa patay nga bungtod

kaanindot unta
nga inig abot ko dinhing
lugara
makita sa sayong kabuntagon
ang gasabsab nga baka
sa kilid sa duha ka bungtod
diin nanilip ang adlaw
og didto sa sapa
miambak ang isdang
haw-an naghimo og
kisaw sa pasol
nga nawad-an nag
paon nga
wating di witwitan

pagkaanindot kaha sa
kagabhion diin nagdumog ang
mga bitoon
unya ang bulan morag
kesong bulawan

unya kitang duha
dikit sa ilalom sa narra
unya ako naghapuhap sa
imong buhok
samtang ikaw nagpauraray
sa akong dughan

pagkaanindot gayod kaha
apan unsaon taman
kining tanan damgo man
lamang

kay ako ania sa akong
payag nga nipa og kawayan
katreng gabok
og gamay kaayong habol
nga wa pa intawon malabhi
kay walay tubig og walay
sabon
og ako ania nagtikuko
nga morag tuko
sa nagtulo nga atop
silong sa ulan nga morag
dili kabalong moundang

Panginhas dire