2015/04/23

balay nga karaan

dinhing lugara
gibulibod ang akong pusod

ang mga kalanggaman
kanunayng miawit sa mga
kakahoyan nga
gaalirong ning balay
nga karaan
nga kabilin sa among
mga ginikanan

kon moingon na gani
ang katunga sa akong lawas
nga mobalhin na og
pinuy-anan

mabati dayon sa pinutlan sa
akong pusod ang
tumang kahapdos sa 
kamingaw


"mamatay ako kon imo
kaming biyaan" maoy
kanunayng pahimangno
sa balay nga karaan nga
kabilin sa among ginikanan

mabuhi ang mga anay
mosamot kahait ang ilang
mga ngipon

dayon magun-ob ang
mga hagdanan
mahulog ang atop
mapungil ang mga haligi
mawingig ang apapangig
sa mga bentana


kon mahitabo kini
manayaw gayod ang mga
abog
manghambog sa ilang
kadaugan

Panginhas dire