sa MALACA

sa malaca
unahan sa kuala
lumpur
makita mo ang
nagkadaiyang
tinuhuan
og kini masud-ungan
mo sa ilang mga
simbalan, moski og
mga templo

anaa ang tanang mga
diyos, mga ginoo, og
mga gikahadlokan

anaa ang giampoan
tugod kay ang mga 
gipangayo gipanghatag
man, 

mga kandila gihurot
sa kalayo
mga buwak nalaya
sa kainit
mga aso sa incenso
sa kanunay
misaka sa langit
og ang mga kamot
nga miampo
og mga tuhod nga
miluhod
ay pagkaanindot,
wala mangita og
samok
wala manghulga
og gyira
wala maghisgot
kabahin sa
kamatayon