2015/04/19

sulod sa pultahan sa damgo

mosulod sa lawak sa damgo
ako,
mahimo akong usa 
kanila,

kabayong pak-an
diamanting ulan
bukid nga bulawan
sapa nga salamin

naglutaw ang bulan
sa ibabaw sa dagat
mga pungpong nga bitoon
nahisama sa buwak

mosulod ako sa lawak sa
damgo, 
samtang naglakat ang 
mga oras

inig abot sa unahan
mahunong ang tana
dili na ko mananghid
paingon sa balay
nga akong gipuy-an

nagmatang kalibotan
nag-iyak nga bata
gimingaw sa nanay
nagpaabot sa pultahan
sa modala niya
sa usa ka kausbanan

mosulod gawas ako sa 
pultahan sa damgo
ako, usa ka tawo,
hilom, didto sa lawom
kaayong kilomkilom

Panginhas dire