2015/04/08

unot unot sa tanghaga

dili lang sa dapog
makulob ang kaldero

dili tanang silhig
mga milupad
dili katoohan

abi mog panagsa
lang magkita ang
luwag og kasili?

dunay kandili nga
dili para sunog

sa Jimenez dunay
dakong balay
nindot, apan dili
para puy-an

sa Clarin tuay
lungsod nga 
para lang sa 
kahilom

dili tanang salog
hinimo sa kahoy

sa Baybay ang
tanang lingkoranan
nga kawayan
ila mang gyong
gub-on

naghimo kog labat
nga dili makita
dagat nga dili ko
mabasa

usa ka librohan nga
sala
o usa ka bakat nga
bangkil og paak

Panginhas dire