2015/04/24

human sa usa ka milagro

naghapnig na usab ang adlaw 
karong buntaga sa iyang habol nga kahayag
sa ibabaw sa mga kabulakan
sa mga ulo diha sa mga kahoy
sa panit sa mga balili

pagkaanindot

naglupadlupad ang mga alibangbang
miduong ang mga buyog
nagbalhinbalhin ang mga tamsi
sa mga sanga
dunay nakabitbit og ulod 
og balahibo sa manok
paingon sa salag

pagkaanindot

ang bentana maoy mata sa balay
sa kalibotan
ako ang manambo
nga sa kalipay nahutdan sa pulong
kini diayng kaanyag
kini diayng tumang kalipay
makaamang

pagkaanindot gayod

samtang ikaw natulog pa sa higdaanan
sa tumang kakapoy

Panginhas dire