2015/04/26

managlahi kanunay ang mga agianan diha sa linya sa kapalaran

daghang lawak,
anaa ang utok naghimo sab og iyang lawak
sama sa lawak sa kasingkasing
og lawak sa pus-on,

tulo ka nilalang ang nangabo
ang usa milahos sa utok og natulog
sa kakapoy sa panaw

ang ikaduha atua sa lawak sa kasingkasing
nagbakho, wa gihapon kasabot sa iyang
kasubo

ang ikatulo atua sa pus-on, nagdagan-dagan
nagpaabot sa saktong oras
aron na usab ang iyang mubong kalipay
pabuthon

adunay lawak alang kanilang tulo
nagpabiling abri ang pultahan
dako, lapad, apan kini silang tulo
nagbungol, dili na ganahan nga sa
makausa pa
magsandurot diha sa usa ka
pagkasinabot....

gugma, kwarta, og ang animal
managlahi kanunay ang mga agianan
diha sa linya sa kapalaran

Panginhas dire