pasumbingay sa giingong himaya

ang unang hakhak
paglaum nga nagdamgo
sa sabaw og unod
sa butong nga atua
sa unahan sa tumoy
sa katapusang hakhak
nga gilat-angan sa
daghang mga hakhak
unya didto sa ikalimang
hakhak nagkurog na
ang imong mga tuhod
ang imong mata misulirat
sa kahadlok kay didto
sa ikawalong hakhak
nag-atang ang bitin nga
itom, unsa sa ikanapulong
hakhak atua ang bakukang
nga nagkatawa, dayon
wa na dayon

wa nay hakhak unya
ang butong nga ilang
giingon
butong ra gihapon