2015/04/28

paglabay

dili na ko ganahang motingog
wa na ang awit
dili na ko ganahang mangilabot sa
pagsalop
nawala na kanako ang pag-asdang
sa tanang kaanyag o
pagsumpo sa tanang kangil-ad
wala na kanako ang gahom sa 
paglupig sa mga kusog modaog-daog

kay karong adlawa miabot ang sulat
nga nagpahibalo kanako nga ugma 
mobalhin na ako sa akong pagapuy-an

kay ugma molabay lang ako dinhi
og sa hangtod dili mo na ako makita
kay wala na kanako ang gahom sa
pagbalik

kay ako dili na ako
og kinsa man ugaling ako didto
wala na ako masayod niana

Panginhas dire