2015/04/12

pagkahanap

ayaw kahadloki ang pagkahanap
sa imong nakita

ang nawong sa babaye nga
morag kisaw sa isdang rami didto
sa sapa
sa imong pagkabata

ang handurawan nga nahimong usa
ka gapnod diha sa kilid sa bungtod sa
nagduka nga bintana

ayaw kahadloki ang pagkahanap sa
imong ugma
kay ang kahaponon ingon ana baya
apan wala kini magpasabot nga kutob
lang dinha ang mga pagtak-op

mas hanap gayod kon painon ka na
sa lalom
kay ang mga katingalahan mas molala
baya kon
di na kini kaayo masabtan

Panginhas dire