2015/04/25

ang hukhok og ang babayeng gamingaw

kahadlok sa akong nakita.
kon kanus-a natiguwang si florita human gilabyan ang duha ka bana
kadtong usa buhi
kadtong usa buhi lang gihapon
apan atua na sa ilang tagsa tagsa ka mga pamilya

mao pa man hinoon niya karong backride sa usa ka lalaking batan-on
nga sa iyang ingon karon pa niya natilawan kon unsa gayod ang tinood nga gugma

o nahigugma. Tiaw mo ba nga ang maong lalaki mao may mohimasa sa iyang tiil,
molugod sa iyang likod, magluto sa iyang pamahaw unya ihatod pa gayod sa iyang
gikatulgan,

tiaw mo ba nga siya pa ang manglaba sa iyang panty, manghipos og manglimpyo sa iyang
katag, maningil sa iyang mga utangan, mag-drive sa iyang sakyanan,
magmonitor sa iyang panaderia, magdisiplina sa iyang mga boarders didto sa 
iyang apartment sa jakosalem og sa jones,

ambot og swerte ba kini
ambot kon gugma ba kini

dili kaha nga kabahin kini sa usa
ka hukhok nga kamaong mokitik sa gigkanan sa usa ka 
nagmingaw nga tiguwang

nga gibiyaan sa iyang mga anak
og gikasuk-an sa iyang mga igsoon?

ibalhin na ang ngalan sa titulo sa iyang balay 
sa ngan sa nahigugma kaniya.

og siya na ang maghawid sa bankbook
sa Pnb, og Dbp,
og ang ATM, kay si Florita 
hanap na kaayo og panglantaw.


Panginhas dire