gugmang walay tuli

ang kauhaw
dili matagbaw sa dagat

pagkadako sa wanang sa tubig
apan ikamatay mo ang bisag tulo
na lang niini

ang kagutom dili matagbaw sa
kakugnan
bisan gani ang kabayo
hadlok man masamdan sa
kahait niini

x x x

apan
kon maglantaw ako kanimo
hutdon kog inom
ang dagat
hutdon kog simasima
ang mga kakugnan

x x x

sipaon ko ang kabayo
magpadaghan kog samad

x x x

kon mangutana sila
bahin kanako
dili nako isulti ang
imong ngalan