4/29/2015

kapalaran

ang mga batong imong
gipatongpatong nga morag 
tore sa nepal
mitindog

bisan gihangin
wala gayod matumba
o mapuklid

taas ang lantaw sa
kinatumyan
lahos sa atong mga
utlanan

gisulayan nato
pagsunod ang tutok 
sa mga bato ning
kaudtohon

nagmayhon kita
kanunayng uyon sa mga alayon
wala kitay
hubon sama sa usa ka
batang bag-o pa lamang
miabot
sa banig nga gikaligo
sa dugo sa bilahan sa usa
ka inahan

ang tanan suma sa mga basahon
miuyon niini: wala pa gihapoy
lutsanan ang kapalaran

kinsa kadtong idlas
madakpan
kinsa kadtyong milayas
di kaikyas

No comments :

Post a Comment

Lami ba?