2015/12/19

balay alang sa mga dili kaayo arte sa kinabuhi

si mark
(bayot ni siya)
lonely daw
sa iyang kinabuhi

nangutana siya
kon naa bay kasingkasing
nga baligya
kanang dili mahigugma?

maot nga pangutana

kay ang kasingkasing
bisan unsaon
mahigugma gyod na
bisan pag
bayot ang tag-iya
nga mahigugma sa tanang
lalaki
nga dili jud mahigugma niya
og kon mahigugma man
kwarta ra niya
ang tuyo nga og kon mahurot
byaan ra gyod siya

(lisod pasabton si mark
sa tungatunga sa iyang utog
nga dili siya para ana
nga lahi ang iyang misyon
sa kinabuhi
nga ang iyang pagkabayot 
sama sa ubang nilalang
gasa gihapon kana sa
Ginoo alang kaniya)

ingon si mark naglisod
siya unsaon pagpakabuhi
(aw hinoon
mas sayon man ang
pagpakamatay
ako unta siyang ingnon bahin
ini, apan lisod gani
siya pasabton tungod kay
anaa siya
sa tungatunga sa iyang
pagpautog sa kinabuhi)

ambot og nakita ba niya
ang kapayas nga laki
nga igo lang mamulak
apan walay bunga

ang wati nga duhay dala
ang kapon nga iro
lain pod tong kapon nga iring

ang eunuch kaniadto
nga maoy tighipos sa mga tinagoan
sa empress sa china

ang mga anghel nga walay
itlog
ang unang adan og eba
nga walay

bilat og oten

di ba ni sila mga hinimo sa Diyos
nga nagmalipayon sa paraiso
tungod kay
wala silay kaulag


ingon ko ni mark
ayoha pagtoon ang kinabuhi
aron dili ka maglisod
kay sama sa pasulit
kon ayohon nimog toon

unsa may lisod?

Panginhas dire