12/15/2015

kabahin sa akong mga iro

ang akong mga iro
makalipay

di man god kamaong
mosupak

unya bisag bunalan
inig kahuman
mokiwilkiwil lang gihapon
ang ilang mga ikog

kanunayng gimingaw 
kanako
kanunayng nag-atang
sa labat
sa pultahan

unya inig abot nako sa
among balay
inig kagabii
anaa ang gwardya 
nagsimag ang mga mata


ang ilang mga ambak
ambak
ang ilang mga tuyok
tuyok
ang ilang mga paghot
gilok sa akong
sampot

No comments :

Post a Comment

Lami ba?