2015/12/13

karon
anaa ang kalipay 
sa dili pagtandog

ang kasingkasing
nga 
wala nato pamatia
miawit

ang buwak
wala nato kutloa
ang hinog nga
bayabas
nahulog rag
iya

ang buwan
nga bulawan
wala nato
kab-ota

ang mga bitoon
nga migilak gilak
sa langit
ato lamang
gipasagdan

kini ang kalipay
sa dili pagtandog
sa dili pagkab-ot
sa dili paghikap

kay kini ang
karaang kalipay
diha sa paglantaw
lamang
diha sa pagpasurop
sa mga pagbati
nganhi sulod
sa upat ka lawak
sa atong
kasingkasing

mao kini ang 
kalipay nga 
molungtad

mao kini ang
dili pagpangilabot
sa pag-abot
sa adlaw
diha sa iyang
pakighinabi
sa bugnaw nga
kabuntagon

Panginhas dire