2015/12/07

VALSURI SI TANGOURI CELEBRE ROMANESTI

padayon sa pagkanta
sa imong tingog nga
pagaw
nga adunay kalaw-mon
sa pito ka dupa
nga atabay

padayon sa pagsayaw
diha sa usa ka handuraw
ibundak ang mga tiil
iwagayway ang mga
kamot
nga mora bag
imong gitumban ang
impyerno dala usab
sa laing dumot nga
pagkab-ot sa mga
panganod ning
gitawag tang langit

kay ako usab
sa akong bulingon nga
sapot
sa akong mansadong
pantalon
sa akong giabogan
nga sapatos
mosakay padayon
sa tranvia didto sa
romania

tugkaron ko kon ngano
kaha nga hangtod karon
ako gihapon
giganahan man ning
pag-inosara?

Panginhas dire