12/14/2015

sa pag-abot sa panahon

panahon daghang
nagpaabot kanimo ikaw 
nga tigbutyag sa
gitipigan nga kamatooran
ikaw nga tigtul-id sa
mga natuis
nga tigpahaluna sa mga
guba og
mga nagpasad

pagkadugay mong moabot
ang imong mga oras
puros man mga bao
ang imong mga adlaw 
kaliwat man sa mga ulod
ang imong mga katuigan
mao may tinubuan sa
mga bungtod og mga pangpang

kon ilisan mog sapot ang
kalibotan
dili na man gani mailhan
kay ang kasagaran nga
makasulti og kadtong mga
nakalantaw
mga patay na man
nga hagbay rang nakalabera
naabog sa
imong kadalanan

No comments :

Post a Comment

Lami ba?