2015/12/07

ang kinaiyahan

patas-an na ang pader
sirad-an ang pultahan
usa lang ka bentana ang
abrihan aron makita ang
laing kalibotan,

imo kini, wala na
silay labot, og di sab
ka mangilabot kon
maunsa sila puhon
diha sa ilang mga
tagboanan

mokusog ang ulan
molanab og sa pipila
ka bulan dili na gayod
kini moundang hangtod
nga puros na lamang
tubig ang ilang
kalibotan

karongn panahona mao
ang kinaadman sa mga
paglutawlutaw aron lang
mabuhi sa kadugayon
sa imong mga pangandoy

karong panahona mao ang
ilang paglutawlutaw diha
sa tubig nga kalibotan isip
mga way swerting patay

sakayan ang imong kalibotan
wala kay padulngan hangtod
mogitib na usab ang mga isla
og imo nang buhian ang
uwak og ang salampati aron
sugdan na usab ang
pagsugod sa laing kalibotan

uwak og salampati
og kay patay na man ang
dili nimo kaliwat
bag-ohon na usab ang
panagsumpaki sa igsoon
batok igsoon, ginikanan
batok anak, asawa batok
bana: ang kinaiyahan.

Panginhas dire