2015/12/11

ingon siya
samtang naglumba kunog
pangahulog ang lugas sa ulan
sa atop sa balay
samtang naglaposlapos 
ang igat nga hangin sa giwang
sa bongbong
nagkabuang kunog agulo sa
kalipay ang duha ka
lawas nga naghabol sa
ibabaw sa higdaanan hangtod
nga nangahulog silang duha
sa salog
dayog salibay sa ilang
kinataposang mga utnga
didto sa veranda

nangutana siya kon nagawsan
ba daw ko?

nangyam-id kos lum-it nga
romansa
sa karinyong brutal
sa tariking criminal

sa akong pangedaron karon
mas ganahan kos
tingog sa ulan
sa awit sa hangin

sumo na ang kayat
kay sa pipila ka higayon
gikan ko didto
maayong pagkatapot
gahalang man tuod
pero wa nay lami

Panginhas dire