12/16/2015

alang kang M.

managlahi ang 
atong giatubang
ang akong paingnan
ang imong utlanan

ania ako sa pangpang
nahinangop sa 
kawanangan
nakighinabi sa 
gapnod
nagpaabot sa bag-ong
panganod

ikaw ang misulod sa
langob
midagkot sa kandila
nakighinabi sa mga bato
sa mga nagkamang
diha sa gihambin mo nga
kilomkilom

gibugkos kita sa kapalaran
magkita kita oran-oran
maghangop sa kamingaw
kasingkasing nga latagaw

No comments :

Post a Comment

Lami ba?