12/16/2015

kon giunsa nato pagpalabay ang mga katuigan

sa atong tunga
anaa ang buwak sa dama de noche
nga bag-o pa lang nakong
gikutlo sa hardin
karong buntaga

mamahaw na kitang duha
ako og ikaw 
sa usa ka lamesa

pila na ba ka tuig kita nga
nagpakahilom?
kadtong atong mga kasakit
giunsa ba nato
pagtago sa usag-usa kanato?

nagpabilin ako nga ako
og ikaw nga ikaw
og dinhi sa lamesa
ang mas nagpahomot mao
lang gayod 
kining bulaka

mangalimyon lamang sa 
kagabhion
walay ipabati dili mangilabot
sa bisan unsa
inig abot na sa kabuntagon

No comments :

Post a Comment

Lami ba?