2015/12/04

wala kitay
anak nga ato
busa gitagaan kitag
anak nga unta
maato 

apan wala gihapon
kitay anak bisan anaa
na ang anak
nga nag-iyak sa salag
sa atong
mga bukton

wala kitay anak
bisan anaa na ang anak
nga midako og nahimong
tawo sa imong
tugkaran

walay anak
walay magpabiling anak
ang tanan mobiya
sama sa sapa
ang tanan mangita sa ilang
mga bukana
sama sa dakong suba

walay anak 
og diha sa pagdawat
moabot ang dakong garbo
sa usa ka
pasalamat

Panginhas dire