balak ni Felimon sa kataposang adlaw sa 2015

nanagat kos mala
gilabay ko ang pukot sa isla
mibugsay kos silhig
ug ang akong layag 
tualyang pula

milawod kos 
kagwangan
dala ang mga
walay klarong
talamdan

duha tulo upat
ka adlaw
lima unom pito ka
kagabhion

buwan og mga
bitoon
hangin og mga
baloron

mitig-a ang kasingkasing
misamot kagahi ang
akong bukog
mitugsuy sa kawanangan
ang akong 
kabalaan

og sa dihang nahuman na
ang akong
kapunaw-punawan
mibalik kos giagian
midunggo kos usa ka
lapyahan

gitagbo ko sa tanang
kanahan
miambit sa akong mga
tambasakan