mikatawa ang iring nga bulan
naglantaw sa nag-aginod nga adlaw
nangahulog ang mga bitoon
nga misamad sa aping sa dagat
nanghambog ang kagabhion
nga sa iyang kangitngit bisag
dili makita ang iyang binuhatan
walay usa niini nga nakahasol sa uban

oo, gikatulgan lamang siya
sa iyang pagmata og pag-alima
didto sa utlanan matapos siya
wala siya nagpalimos bisag
gamay man lang nga pignit sa
 kahayag