2015/12/21

katugnaw sa sala

sa sayong kabuntagon
wala nako mabuhat ang angayang buhaton

sala kini

apan dili usab baya ako kaayo
madinumtanon

kay sa pipila ka sala
mao usab ang akong gihatag nga
pasaylo niini

dili nako kaaway ang akong
kaugalingon
kanunay kining kuyog kanako
sulod sa 
lawak sa sala
kanunay usab kini nakong
kuyog
sa kumpisalan sa
pagpasaylo

ning sayong kabuntagon
gibuhat namo ang sala diha
sa pagpamalak

panugilon sa kahiubos
sukna sa kalagot
batbat sa mga kahigwaos
panghayhay sa mga nilabhan
nga kasakit
didtos gawas
sa balay
diin ang ulan nagsigi pa gihapog
pamubo sa
gabasa nga kalibotan

Panginhas dire